أشارت الصحافية ندى عبد الصمد الى أن “خطوة السعودية بإرسال طائرة خاصة لرئيس الحكومة نواف سلام لمشاركة بن سلمان بصلاة العيد غير مسبوقة، فهل هي رسالة سعودية إلى رئيس الجمهورية بعدما كسر رئيس الحكومة في مجلس الوزراء عندما رفض وعن حق مرشح مافيا المصارف كريم سعيد وذهب إلى التصويت؟”
في المقابل، ردت نادين بركات عبر “إكس”: “المصداقية وجماعة نواف سلام: عادة المملكة بتبعت طيارة للرؤساء، بس الحريري وميقاتي عندن طياراتهم. يعني مش مسبوقة معلومة غلط. صلّحيها ندّوش. اسمه ولي العهد، الأمير، محمد بن سلمان، مش ابن خالتك هو او ابن الجيران يا مدام. شوية احترام بعتلو طيارة لخواف، عالقليلة كونوا شوي محترمين. رئيس الجمهورية ما “كسر” شي، (كسّر سنانك على هالحكي)، معلمك نواف مشي بمعركة فاشلة مع كلنا بطاطا، حتى الفرنساوي قلّو معركة خسرانة، بدك الدولار أميركي يعني الخزانة بدها توافق ومرشحك فاسد يا نواف. بس تيس!”
وتابعت: “رفض عن حق؟ كان قبلان بكريم، لكن انطلب منه يرفض. منشان هيك يا ندّوش، قلت من شهرين أنا، ما حدا رح يخرب بيت نواف إلا مجموعة كلنا بطاطا يلي حدّو. وشفناها والكل شافها. على كل حال، رح نتفرّج كيف الأداء بعد الزيارة، إلا إذا ما فهم بعدو او قرّر يتيّس. واذا بتحبّوه هالقد، حاج تتعرّضوا لرئيس الجمهورية، لانه رح تكونوا عم تسرّعوا باستقالة نواف”.
وختمت: “من الآخر: جوزاف عون قاعد ومرتاح، وقّفوا محاولات انه تضعّفوه او تشوّهوا صورته. لانه لهلق عم يشتغل صح، وانتو المخرّبين. ولو لا وجودكم كنا بمطرح احسن اليوم”.
المصداقية وجماعة نواف سلام:
— Nadine Barakat (@nadinebarakatlb) March 30, 2025
‼️عادة المملكة بتبعت طيارة للرؤساء، بس الحريري وميقاتي عندن طياراتهم. يعني "مش مسبوقة" معلومة غلط. صلّحيها ندّوش.
‼️اسمه ولي العهد، الأمير، محمد بن سلمان، مش ابن خالتك هو او ابن الجيران يا مدام. شوية احترام بعتلو طيارة لخواف، عالقليلة كونوا شوي… pic.twitter.com/NbRMl3TAp7