كتبت ناشرة موقع LebTalks كريستيان الجميّل على حسابها عبر منصة "إكس": "أهلاً بكم في العصر الجديد للأسلحة، من "المقاومة" إلى "Star Wars"، و"Laser Attack" مباشر على الروشة!".
وتابعت: "مين قال إنو "الحزب" مش ماشي ع الموضة؟ بالعكس، طلع متقدّم علينا كلنا، عايش فيلم خيال علمي من هوليوود، بطولة وفيق صفا على Sunset، وعم يقدّم عرض تجريبي مباشر على صخرة الروشة، بس المسرحية خلصت، والبروباغندا كمان خلصت".
أضافت: "لكن بعد في شي ما عم يفهموه: البطولة مش إنك تفرجي حالك أقوى من الدولة، مش إنك تتصرّف كأنك فوق المؤسسات وكأنك المرجع الوحيد. شو يعني؟ إذا عندك ليزر أحمر بتصير "زعيم مستقبل المقاومة التكنولوجية"؟ إذا شبّهت حالك بـJedi من حرب النجوم بتصير فجأة بطل قومي؟ الحقيقة إنو كل هالمشهد ما كان إلا لعبة فيديو عم تنعرض قدام شعب تعبان، بلا كهربا، بلا مي، وبلا دولة قادرة توقف بوجه هالـ"Sci-Fi Show".
وأشارت الجميّل إلى ان "الهيرويزم الحقيقي مش إنك تتحدّى الدولة وتضحك ع مؤسساتها، الهيرويزم إنك تحمي هالمؤسسات وتقوّيها، لأن إذا الدولة بتنهار، ما بقا في شي اسمو وطن ولا مقاومة ولا حتى "Laser Show".
وختمت الجميّل: "ب المونة خلصنا عنتريات ومسرحيات، الاساس اليوم وطن كيانه مستقل ودولة قوية بمؤسساتها، مش عروض ليزر على الروشة".
بِ المونة خلصنا عنتريات ومسرحيات، الاساس اليوم وطن كيانه مستقل ودولة قوية بمؤسساتها، مش عروض ليزر على #الروشة... #زمن_الاول_تحوّل #صخرة_الروشة #لبنان
— Christiane Gemayel (@christianegema) September 26, 2025