القوات اللبنانية تُنشد للخلود: "مشيوا وسلاحن إيمانن"

ككل عام، وفي مطلع أيلول، تُحيي القوات اللبنانية ذكرى شهداء المقاومة اللبنانية بنشيدٍ خاص يحمل بين كلماته وفاءً، وبين ألحانه صلابةً تليق بتضحياتهم.

 النشيد الجديد لهذا العام يتضمن الكلمات اللافتة: أغنية قدّاس شهداء القوات اللبنانية 2025

مشيو وسلاحن إيمانن

نزلوع الساحة بإيمان

وسع الحريّة ميدانن

وأرزتهن تاج الميدان

حميو بأرواحن لبنانن

وتيبقى ترابو منصان

نقلو ع السما عنوانن

وترابن ضلّ بلبنان

راحو.. وزغارن بيدارن

وزغارن متلن بالذات

هني ذاتن.. كبرو زغارن تصارو متلن.. قوات

لبنان العَنّو حاربنا

بإيمان وْقوّة و عناد

صمدنا وحرّيتنا كُتبنا

بدمع ودمّ وإستشهاد

عتم الليل القاسي غْلَبنا

 وقفنا وسطّرنا الأمجاد

ولو عاد الليل يجرّبنا

كلّ الأمجاد بتنعاد

والسبقونا بشهادتهن

ما ماتو .. وْلا وَعدن مات

بايدينا بقيت رايتهن

وبقينا متلن قوّات..

هلق بعد سنين عتاق

عم يخلق لبنان جديد

والقوات رفاق رفاق

وقلب بقلب وإيد بْايد

بالسلم بتبني بأخلاق

وللحريّة بتعمل عيد

كلما وسع النخوة ضاق

بتعطي من قلبا وبتزيد

والسبقونا بشهادتهن

ما ماتو.. وْلا وَ عدن مات بْإيدينا بقيت رايتهن

وبقينا متلن قوّات... في وصفٍ يصوّر مشهدية المقاومة والبطولة التي طبعها الشهداء.

وقد علم موقع "LebTalks" أن العمل هو ثمرة تعاون جديد بين الشاعر نزار فرنسيس، المعروف بقدرته على ملامسة الوجدان الوطني، والموسيقي ميشال فاضل الذي تولّى التلحين والتوزيع، ليخرج النشيد بإطار موسيقي راقٍ يجمع بين الإحساس والقوة.