كتب الأمين العام لـ”تيار المستقبل” أحمد الحريري اليوم الخميس عبر منصة “إكس”: “اليوم، جايين نقول لجبران الحبيب، يا ريتك معنا، لنشهد سوا على انتصار أهل الحرية على نظام القتل إلي قتلنا وقتلك، وانه ساحات الحرية بسوريا المحررة بأمس الحاجة لقسمك التاريخي، إلي بيصلح لمستقبل كل شعب بدو يصون انتصاره لحريته وكرامته”.
أضاف: ” بعد 19 سنة، جايين نقول لجبران تويني ، كان معك حق بكل شي كتبته وقلته. هني سقطوا، وانت بعدك حي بقوة فكرك وشجاعتك، وحاضر باستمرار النهار إلي حاربوها كثير وأبت تستسلم أو ترفع الرايات البيض، وهيانا جايين على قلبها اليوم، بقلب بيروت، تنرفع رايات النصر، ونشهد، كأولياء دم، وأهل حق، على انتصار حقنا على الباطل، وتنكمل سوا مسيرة الحرية الي كان قدرنا إنه تتعمد بأغلى الدماء هالشي وأكثر، رح نقوله بعد شهرين للرئيس الشهيد رفيق الحريري، انه مكملين بعد 20 سنة، مع الرئيس سعد الحريري، وكل الأحرار، إلي وقفنا معن، ووقفوا معنا، من 14 شباط 2005، وقفة عز وشموخ، على الجانب الصح من التاريخ، لأنه الحق معنا وأكثر، ورح نضل مكملين باعتدالنا وحضورنا وقيمنا وأخلاقنا على الجانب الصح بالمستقبل، كرمال لبنان أولاً، شاء من شاء وأبى من أبى”.
اليوم، جايين نقول لجبران الحبيب، "يا ريتك معنا"، لنشهد سوا على انتصار أهل الحرية على نظام القتل إلي قتلنا وقتلك، وانه ساحات الحرية بـ #سوريا المحررة بأمس الحاجة لقسمك التاريخي، إلي بيصلح لمستقبل كل شعب بدو يصون انتصاره لحريته وكرامته.
— Ahmad El Hariri (@AhmadElHariri) December 12, 2024
بعد 19 سنة، جايين نقول لـ #جبران_تويني ،… pic.twitter.com/HRb7HTfGik