هاجم الصحافي ألان سركيس على حسابه عبر "فيسبوك" بلدية كفرحلدا في قضاء البترون، مشيراً الى انها تجمع نفايات النازحين السوريين، ولا تجمع نفايات اللبنانيين الذين يقومون بواجباتهم تجاهها ويدفعون كل المستحقات.
وكتب سركيس: "بلدية كفرحلدا البترون بتجمع زبالة النازحين السوريين واللبنانيين يلي بيدفعو بدل زبالة ما بتجمعلن الزبالة.
بلدية كفرحلدا بتفتح صالون كنيسة مار يوحنا المعمدان بساتين العصي لعقد اجتماعات للنازحين والمنظمات يلي داعمتن بلا ما تسأل أهالي البلدة وخوري الرعية.
بلدية كفرحلدا ما بتخلي المزارعين اللبنانيين يربّو اي نوع مواشي بالسهل بينما مواشي السوريين بتسرح وبتمرح.
بلدية كفرحلدا عم تشتغل ليل نهار تتوطن السوريين بالسهل وتكحش اللبنانيين.
بلدية كفرحلدا عملت المستحيل تتفشل عمل محافظ الشمال رمزي نهرا يلي حاول ينظم النزوح السوري بالمنطقة سنة ٢٠١٨.
هيدي التجاوزات برسم اولا قائمقام البترون روجيه طوبيا ومحافظ الشمال رمزي نهرا وقادة الاجهزة الأمنية واكيد برسم التيار الوطني الحر والنائب جبران باسيل يلي البلدية محسوبة عليه وهوي اكتر مين بنادي وبضوي ع خطر النزوح".
